अमेरिकेच्या नव्या परराष्ट्रमंत्र्यांची पहिल्याच दिवशी भारताशी चर्चा
नवी दिल्ली - ट्रम्प यांनी सोमवारी (दि.20) दुसऱ्यांदा अमेरिकेच्या राष्ट्राध्यक्षपदाची शपथ घेतली आणि त्याच्या दुसऱ्याच दिवशी म्हणजे मंगळवारी ( दि.21) त्यांच्या परराष्ट्र धोरणात भारताला प्राधान्य देण्यात आले. ट्रम्प सरकारचे नवे परराष्ट्र मंत्री मार्को रुबियो यांनी त्यांच्या कार्यकाळाच्या पहिल्याच दिवशी क्वाड बैठकीत भाग घेतला आणि त्यानंतर त्यांनी भारतीय परराष्ट्र मंत्री एस जयशंकर यांच्याशी त्यांचे पहिले द्विपक्षीय संभाषणही केले. यावरुन ट्रम्प सरकारमध्ये भारताला प्राधान्य मिळेल, शपथ घेतल्याच्या दुसऱ्याच दिवशी स्पष्ट झाले. अमेरिकेच्या नव्या परराष्ट्रमंत्र्यांनी पदभार स्वीकारताच त्यांची पहिली द्विपक्षीय चर्चा भारतीय परराष्ट्रमंत्र्यांशी झाली.
Attended a productive Quad Foreign Ministers’ Meeting today in Washington DC. Thank @secrubio for hosting us and FMs @SenatorWong & Takeshi Iwaya for their participation.
— Dr. S. Jaishankar (@DrSJaishankar) January 21, 2025
Significant that the Quad FMM took place within hours of the inauguration of the Trump Administration. This… pic.twitter.com/uGa4rjg1Bw
क्वाड ही चार देशांची संघटना आहे. यामध्ये भारत, ऑस्ट्रेलिया, जपान आणि अमेरिका यांचा समावेश आहे. या संघटनेच्या माध्यमातून हे चार देश परस्पर सहकार्याला चालना देत आहेत. शिवाय, हाच गट चीनच्या प्रत्येक हालचालीला आव्हान देत आहे. डोनाल्ड ट्रम्प यांच्या पहिल्या कार्यकाळात हा पुढाकार घेण्यात आला होता आणि आता त्यांच्या दुसऱ्या कार्यकाळातही ट्रम्प यांनी या गटाच्या बैठकीतून आपली मनोवृत्ती व्यक्त केली आहे.
मंगळवारी चार देशांच्या परराष्ट्र मंत्र्यांची बैठक झाली. यावेळी भारताचे परराष्ट्र मंत्री एस जयशंकर म्हणाले की बैठकीत मुक्त, मुक्त, स्थिर आणि समृद्ध इंडो-पॅसिफिक प्रदेश सुनिश्चित करण्याच्या विविध आयामांवर चर्चा करण्यात आली. परस्पर सहकार्य अधिक दृढ करण्यावरही सहमती झाली.
