निर्विवाद चॅम्पियन!
फ्रेंच ओपन टेनिस स्पर्धेत यंदा महिला गटात इगा श्वीऑन्टेक विजेतेपद पटकावणार की आणखी कोणी? पुरुष गटात
‘द ग्रेट’ नोवाक जोकाविचला कोण टक्कर देणार, याबाबत चर्चा होत असताना महिलांच्या व्हीलचेअर गटात मात्र जिंकणाऱ्या खेळाडूबाबत अपवादानेच कुणाच्या मनात शंका होती. नेदरलंॅड्सच्या २६ वर्षीय दिएडे डेग्रूटने अपेक्षेप्रमाणे विजेतेपदाचा चषक उंचावला. अंतिम फेरीत तिने जपानच्या यूई कामिजी हिच्यावर ६-२, ६-० अशी सहज मात केली. डेग्रूटचे हे सलग दहावे ग्रंॅड स्लॅम विजेतेपद ठरले. २०२० च्या अमेरिकन ओपनपासून ग्रंॅड स्लॅम स्पर्धांच्या अंतिम फेरीत तिचेच निर्विवाद वर्चस्व आहे.
