राजवीर अमित सुर्यवंशी यास स्टेट बॅाक्सिंगमध्ये सुवर्णपदक
'सीबीएसई स्कुल साऊथ झोन-२ स्टेट बॉक्सिंग कॉम्पिटिशन २०२३' मध्ये राजवीर अमित सुर्यवंशी यास ४९ ते ५१ किलो या वजन गटात सुवर्णपदक मिळवले. भंडारा येथे झालेल्या या स्पर्धेत त्याने 'दिल्ली पब्लिक स्कुल' (पुणे) चे प्रतिनिधीत्व केले.'बेस्ट बॅाक्सर ऑफ द टुर्नामेंट अवॉर्ड' (१७ वर्षाखालील गट) हा बहुमानही त्याने पटकावला.
एमआयजीएस क्लबचे उमेश जगदाळे, राष्ट्रीय सुवर्णपदक विजेते मृणाल भोसले, रोहन जगदाळे तसेच आर्मी स्पोर्ट्स इन्स्टिट्यूट(एएसआय)चे जयसिंग पाटील यांचे मार्गदर्शन राजवीरला मिळाले. अॅड. रुपाली पाटील -ठोंबरे, अभय मांढरे, मदण वाणी, शरद कंक, संजीव गोडसे, अभिमन्यू सुर्यवंशी, तीर्थराज गाडवे यांनी राजवीरचे अभिनंदन केले.
