संग्रहित छायाचित्र
एकदिवसीय विश्वचषकानंतर (ICC Men's Cricket World Cup) बाबर आझमऐवजी (Babar Azam) वेगवान गोलंदाज शाहीन आफ्रिदीकडे (Shaheen Afridi)कर्णधारपद सोपवण्याची चर्चा सुरू आहे. आफ्रिदीने त्याच्या नेतृत्वाखाली लाहोर कलंदरला दोनदा विजेतेपद मिळवून दिले आहे. अद्याप याबद्दल अधिकृतपणे काहीही सांगितले जात नाही. बाबर आझमच्या नेतृत्वाखाली २०२३ च्या विश्वचषक स्पर्धेत संघ किती पुढे जातो हे पाहणे बाकी आहे. पाकिस्तान क्रिकेट संघाचा माजी कर्णधार शाहिद आफ्रिदीने बाबर आझमच्या कर्णधारपदावर जोरदार टीका केली आहे. सलग तीन सामने पराभूत झालेल्या पाकिस्तानी संघाची उपांत्य फेरीत जाण्याची शक्यता फारच कमी आहे. पाकिस्तानला (Pakistan)अफगाणिस्तानविरुद्धही लाजिरवाण्या पराभवाला सामोरे जावे लागल्यानंतर शाहिद आफ्रिदीने बाबरच्या कर्णधारपदावर प्रश्न उपस्थित केले आहेत.
आफ्रिदी म्हणतो की, आझमला आक्रमक क्षेत्र कसे सेट करायचे आणि विरोधी फलंदाजांना कोंडीत कसे पकडायचे? तसेच फलंदाजांवर दबाव कसा आणायचा हे माहित नाही. बाबरने ऑस्ट्रेलियन खेळाडूंकडून काहीतरी शिकले पाहिजे. सामन्यात प्रतिस्पर्धी संघावर दबाव आणणे हे कर्णधाराचे काम आहे. वेगवान गोलंदाज गोलंदाजी करत आहे आणि स्लिपमध्ये कोणीही नाही. जर १२ चेंडूत ४ धावा हव्या असतील तर तुम्ही बॅकवर्ड पॉइंट घेतला आहे. हे सर्व खराब कर्णधारात दिसते.
आफ्रिदी देशातील माध्यमांशी बोलताना म्हणाला की, दबाव टाकणे हे कर्णधाराचे काम आहे. वेगवान गोलंदाज गोलंदाजी करत आहे आणि स्लिप नाही? १२ चेंडूत चार धावांची गरज आहे आणि तुम्ही दबाव टाकण्याऐवजी मागे सरकत आहात. ऑस्ट्रेलियन काय करतात? ते एक किंवा दोन विकेट घेतात आणि नंतर दबाव निर्माण करण्यासाठी सर्व खेळाडूंना वर्तुळात ठेवतात. हेच तंत्र त्यांनी पाकिस्तानविरुद्ध वापरले होते. आफ्रिदी म्हणातो की, राष्ट्रीय संघाचे कर्णधारपद मिळणे हा सन्मान आहे, पण कर्णधारपद म्हणजे गुलाबांचा पलंग नाही. जेव्हा तुम्ही चांगली कामगिरी करता तेव्हा तुमची प्रशंसा होते, परंतु जेव्हा तुम्ही खराब कामगिरी करता तेव्हा तुम्हाला दोष दिला जातो. त्यावेळी कर्णधारासह मुख्य प्रशिक्षकालाही दोष दिला जातो.
