IPL 2025 (RR vs KKR, Macth 06) : Today 7:30 pm
IPL 2025 (RR vs KKR, Macth 06 ) | आयपीएल २०२५ म्हणजेच इंडियन प्रीमियर लीगचा १८ वा हंगाम सुरू झाला आहे. आयपीएलच्या या हंगामात आतापर्यंत अनेक रोमहर्षक सामने पाहायला मिळाले आहेत. आयपीएल २०२५ चा सहावा सामना राजस्थान रॉयल्स आणि कोलकाता नाईट रायडर्स यांच्यात होईल. हा सामना आज (२६ मार्च रोजी सायंकाळी ७.३० वाजता) गुवाहाटीतील बारसापारा स्टेडियमवर खेळला जाईल.
दोन्ही संघ त्यांचा पहिला सामना गमावल्यानंतर परत मैदानात उतरणार आहेत. आयपीएल २०२५ च्या पहिल्या सामन्यात आरसीबीने केकेआरचा पराभव केला आणि आयपीएलच्या दुसऱ्या सामन्यात एसआरएचने आरआरचा पराभव केला. त्यामुळे दोन्ही संघ हा सामना जिंकण्यासाठी सर्वतोपरी प्रयत्न करतील. तर सामन्यापूर्वी, आरआर किंवा केकेआरवर कोण वरचढ ठरू शकते यासह दोन्ही संघांचे संभाव्य प्लेइंग ११ आणि खेळपट्टीचा अहवाल तसेच हवामानाची परिस्थिती जाणून घेऊया....
दोन्ही संघाचं हेड-टू-हेड रिकॉर्ड...
सर्वप्रथम, केकेआर आणि आरआर किती वेळा भिडले आहेत आणि कोणी किती वेळा जिंकले आहे ते पाहूया. जर आपण आकडेवारी पाहिली तर कोलकाता आणि राजस्थान यांच्यात आतापर्यंत एकूण ३० सामने खेळले गेले आहेत, त्यापैकी केकेआर १४ वेळा विजेता ठरला आहे, तर आरआरने १४ सामने जिंकले आहेत. २ सामन्यांमध्ये निकाल लागला नाही.
जर आपण या सामन्यांमधील दोन्ही संघांच्या सर्वोच्च धावसंख्येवर नजर टाकली तर कोलकाताची सर्वोच्च धावसंख्या २२३ तर राजस्थानची सर्वोच्च धावसंख्या २२४ आहे. जर आपण सर्वात कमी धावसंख्येबद्दल बोललो तर केकेआरची कमी धावसंख्या १२५ आणि आरआरचा कमी धावसंख्या ८१ आहे.
दोन्ही संघांची Playing 11 खालीलप्रमाणे....
KKR : केकेआरच्या संभाव्य प्लेइंग ११ मध्ये सुनील नारायण, क्विंटन डी कॉक (यष्टीरक्षक), वेंकटेश अय्यर, अजिंक्य रहाणे (कर्णधार), रमणदीप सिंग, रिंकू सिंग, अंगकृष रघुवंशी, आंद्रे रसेल, हर्षित राणा, वरुण चक्रवर्ती आणि अँरिच नोर्टजे यांचा समावेश असू शकतो. तर स्पेन्सर जॉन्सन आणि वैभव अरोरा हे प्रभावी खेळाडू असतील. गेल्या सामन्याप्रमाणे, यावेळीही सुनील नारायण पुन्हा एकदा फलंदाजीची सुरुवात नक्कीच करेल, ज्यामध्ये परदेशी खेळाडू क्विंटन डी कॉक त्याला पाठिंबा देण्यासाठी येऊ शकतो. कर्णधार अजिंक्य रहाणे तिसऱ्या क्रमांकावर फलंदाजीला येईल.
RR : आरआरच्या संभाव्य प्लेइंग ११ मध्ये यशस्वी जयस्वाल, शुभम दुबे, नितीश राणा, रियान पराग (कर्णधार), ध्रुव जुरेल (यष्टीरक्षक), शिमरॉन हेटमायर, जोफ्रा आर्चर, महेश थेक्साना, तुषार देशपांडे, संदीप शर्मा आणि फजल फारुकी यांचा समावेश असू शकतो. तर संजू सॅमसन एक प्रभावशाली खेळाडू म्हणून खेळू शकतो. संजू सॅमसनच्या अनुपस्थितीत राजस्थानचे नेतृत्व रियान परागकडे आहे. केकेआर विरुद्धच्या सामन्यात, यशस्वी जयस्वाल संजू सॅमसनसोबत इंपॅक्ट प्लेअर म्हणून डावाची सुरुवात करताना दिसू शकतो.
स्टेडियमवरील आकडेवारी...
आतापर्यंत बरसापारा क्रिकेट स्टेडियमवर ४ टी-२० सामने खेळले गेले आहेत. नाणेफेक जिंकून प्रथम फलंदाजी करणाऱ्या संघाने १ वेळा विजय मिळवला आहे, तर लक्ष्याचा पाठलाग करणाऱ्या संघाने २ वेळा विजय मिळवला आहे. एक सामना अनिर्णीत राहिला. पहिल्या डावातील सरासरी धावसंख्या १९२ धावा आहे, तर दुसऱ्या डावातील सरासरी धावसंख्या १८९ धावा आहे.
पिच रिपोर्ट....
गुवाहाटीतील बरसापारा क्रिकेट स्टेडियमच्या खेळपट्टीबद्दल बोलायचे झाले तर, ती फलंदाजांसाठी अनुकूल मानली जाते, येथे धावा करणे सोपे आहे. चेंडू बॅटवर छान येतो, ज्यामुळे मोठे शॉट्स खेळणे सोपे होते. दुसऱ्या डावात दवाचा परिणाम दिसून येतो, त्यामुळे नाणेफेक जिंकणारा संघ प्रथम गोलंदाजी करण्यास प्राधान्य देऊ शकतो.
गुवाहाटीचे हवामान कसे असेल?
आता हवामानाबद्दल बोलूया, २६ मार्च रोजी होणाऱ्या आयपीएलच्या सहाव्या सामन्यात पावसाची शक्यता जवळजवळ नाही. सामन्यादरम्यान येथील हवामान स्वच्छ राहणार आहे. हवामान खात्याच्या अहवालानुसार, सामना सुरू होईपर्यंत पावसाची शक्यता फक्त 0 टक्के आहे. तथापि, दुपारी ढगाळ वातावरण राहू शकते. सामन्यादरम्यान आर्द्रता ४१ टक्क्यांपर्यंत राहण्याची अपेक्षा आहे.
