आयएपीएलमध्ये पाचव्यांदा घेतली पहिल्याच चेंडूवर विकेट
लखनौ : दिल्ली कॅपिटल्सने लखनौ सुपर जायंट्सला सहा विकेटने नमवले. या सामन्यात वेगवान गोलंदाज मोहम्मद शमीने पाचव्यांदा पहिल्याच चेंडूवर विकेट घेतली. मोहम्मद शमीने पाचव्यांदा आपल्या पहिल्याच चेंडूवर विकेट घेत आयपीएलमधील आपले अव्वल स्थान अधिक बळकट केले. या यादीत दुसऱ्या स्थानी असलेल्या प्रवीण कुमार आणि उमेश यादव या गोलंदाजांनी प्रत्येकी तीन वेळा असा पराक्रम केला आहे.
शमीने दोन वेगवेगळ्या संघांकडून पदार्पण करताना पहिल्याच चेंडूवर विकेट घेतली, हे विशेष. २०२२ मध्ये गुजरात टायटन्सकडून त्याने केएल राहुलला (लखनौ) पहिल्याच चेंडूवर बाद केले होते, आता लखनौ सुपर जायंट्ससाठी पदार्पण करतानाही त्याने राहुलला शून्यावर (दिल्ली कॅपिटल्स) पहिल्याच चेंडूवर पॅव्हेलियनमध्ये पाठवले. या सामन्यात दोन खेळाडूंनी आयपीएलमध्ये पदार्पण केले. दिल्लीने श्रीलंकेचा सलामीवीर पाथुम निसंकाला पदार्पणाची कॅप दिली. तर लखनौसाठी अनकॅप्ड भारतीय मुकुल चौधरीने पहिला आयपीएल सामना खेळला.
