Tajikistan | नेशन्स कप फुटबॉल स्पर्धेतील दुसऱ्या सामन्यात भारतीय फुटबॉल संघाला गतविजेत्या इराणविरुद्ध ०-३ असा पराभव पत्करावा लागला. शेवटच्या सात मिनिटांत भारताने दोन गोल गमावले आणि त्याची किंमत त्यांना चुकवावी लागली. भारतीय बचावफळीने चांगली कामगिरी केली आणि इराणचे अनेक हल्ले हाणून पाडले परंतु अमीरहुसेन हुसेनजादेह (६०वे मिनिट), अली अलीपूरघारा (८९वे मिनिट) आणि मेहदी तारेमी (९० प्लस ६ मिनिटे) यांच्या गोलमुळे गतविजेत्या संघाने विजय नोंदवला.
इराणचा संघ मजबूत आहे आणि तो जगात २० व्या क्रमांकावर आहे तर भारत सध्या फिफा क्रमवारीत १३३ व्या स्थानावर आहे. इराणचे मुख्य प्रशिक्षक अमीर घालेनोई यांनी असा संघ तयार केला आहे ज्यामध्ये अनुभवी आंतरराष्ट्रीय खेळाडू आणि इराणी प्रीमियर लीगमधील काही उदयोन्मुख खेळाडूंचे मिश्रण आहे.
भारताने २९ ऑगस्ट रोजी झालेल्या पहिल्या सामन्यात वरच्या क्रमांकाच्या ताजिकिस्तानला २-१ असे हरवले होते. ४ सप्टेंबर रोजी गट ब च्या शेवटच्या सामन्यात संघ अफगाणिस्तानशी सामना करेल. प्रत्येक गटातील अव्वल संघ अंतिम फेरीत एकमेकांशी खेळतील तर दुसऱ्या क्रमांकाचे दोन संघ ८ सप्टेंबर रोजी तिसऱ्या क्रमांकाच्या सामन्यात आमनेसामने येतील.
