चाहत्याने धोनीला दिले ‘चेपॉक स्टेडियम’ गिफ्ट
#चेन्नई
आयपीएलमधील चेन्नई सुपर किंग्जचा कर्णधार महेंद्रसिंह धोनीला एका चाहत्याने चेपॉक स्टेडियमची प्रतिकृती भेट दिली. या सुंदर भेटीबद्दल धोनीने चाहत्याचे आभार मानले आहेत.
सोशल मीडियावर एक व्हीडीओ व्हायरल होत आहे, ज्यामध्ये एक चाहता धोनीला चेपॉक स्टेडियमची प्रतिकृती भेट देताना दिसत आहे. हे मॉडेल एका टेबलवर ठेवलेले आहे आणि धोनी त्याच्याजवळ स्मितहास्य करत उभा आहे. धोनीने त्या चाहत्यासोबत फोटोही क्लिक केले आहेत.धोनीच्या नेतृत्वाखाली चेन्नईने चार वेळा आयपीएलचे विजेतेपद पटकावले आहे. हा फोटो 'मिनिएचर वर्ल्ड मॉडेल मेकर्स' नावाच्या इंस्टाग्राम पेजवर शेअर करण्यात आला असून, 'आमचे मनोरंजन केल्याबद्दल थँक्स थाला' असे कॅप्शन लिहिले आहे.
