नको उपमा-खिचडी, हवी चिकन बिर्याणी

तिरुवनंतपूरम: केरळ सरकारने अंगणवाडीसाठी देण्यात येणारा पोषण आहाराचा मेन्यू बदलण्याचा निर्णय घेतला आहे. अंगणवाडीच्या पोषण आहारातील तेच तेच पदार्थ चिमुकल्यांना नकोसे वाटत आहेत. त्यात वैविध्य असण्याची गरज एका मुलाच्या व्हीडीओमुळे निर्माण झाल्याचे राज्य सरकारने म्हटले आहे. त्यानंतर राज्य सरकारने पोषण आहारात बदल करण्याचा निर्णय घेतला आहे.

Civic Mirror, सीविक मिरर, Pune Mirror, Pune Times Mirror, Pune, Pune News

नको उपमा-खिचडी, हवी चिकन बिर्याणी

केरळ सरकारने घेतला अंगणवाडी पोषण आहारात बदल करण्याचा निर्णय

तिरुवनंतपूरम: केरळ सरकारने अंगणवाडीसाठी देण्यात येणारा पोषण आहाराचा मेन्यू बदलण्याचा निर्णय घेतला आहे. अंगणवाडीच्या पोषण आहारातील तेच तेच पदार्थ चिमुकल्यांना नकोसे वाटत आहेत. त्यात वैविध्य असण्याची गरज एका मुलाच्या व्हीडीओमुळे निर्माण झाल्याचे राज्य सरकारने म्हटले आहे. त्यानंतर राज्य सरकारने पोषण आहारात बदल करण्याचा निर्णय घेतला आहे.        

आम्हाला उपमा नको, खिचडी नको त्यापेक्षा बिर्याणी किंवा चिकन फ्राय द्या, अशी मागणी करणारा एक व्हीडीओ व्हायरल झाला आहे. एका मुलाचा हा  व्हीडीओ आहे. ज्यानंतर अंगणवाडी आहारात बदल करण्याचा निर्णय केरळ या राज्याने घेतला आहे. व्हायरल व्हीडीओत थरजुल शंकर नावाचा एक लहान मुलगा त्याच्या आईला सांगतो आहे की, मला अंगणवाडीत बिर्याणी किंवा चिकन फ्राय हवे,  मला उपमा नको. हा व्हीडीओ सोशल मीडियावर चांगलाच व्हायरल झाला आहे. या मुलाच्या आईने हा व्हीडीओ तेव्हा रेकॉर्ड केला आहे जेव्हा तिचा मुलगा तिला बिर्याणी बनव असा आग्रह करत होता. हा व्हीडीओ तिने सहजच इन्स्टाग्रामवर पोस्ट केला जो चांगलाच व्हायरल झाला. आई तिच्या मुलाला शंकू म्हणते आहे.

शंकूची इच्छा पूर्ण होण्याची शक्यता आहे. कारण त्याला उपमा नको आहे तर बिर्याणी किंवा चिकन फ्राय हवे असे तो म्हणतो आहे. बिर्याणी तो किती आनंदाने खात होता आणि त्याने कशी निरागस मागणी केली असा तो व्हीडीओ आहे. ज्याची दखल केरळच्या महिला बालकल्याणमंत्री वीणा जॉर्ज यांनी घेतली आहे. केरळच्या महिला आणि बालकल्याणमंत्री वीणा जॉर्ज यांनीही हा व्हीडीओ पाहिला. त्यानंतर त्यांनी आम्ही लवकरच अंगणवाडी आहार म्हणून देण्यात येणाऱ्या पदार्थांमध्ये बदल करणार असल्याचे मते आहे. अंगणवाड्यांकडून याबाबतच्या सूचना मागवण्यात येतील, असेही त्यांनी स्पष्ट केले आहे. वीणा जॉर्ज पुढे म्हणाल्या, सरकारी नियमाप्रमाणे सकस आहार म्हणून आम्ही मुलांना अंडी आणि दूध देत आहोत. आता आम्ही आहार म्हणून दिल्या जाणाऱ्या पदार्थांमध्ये वैविध्य आणण्याचा प्रयत्न करू,  अशी ग्वाही त्यांनी दिली.

लवकरच अंगणवाडी होणार स्मार्ट

केरळ सरकारने राज्यातील सर्व अंगणवाड्यांचे स्मार्ट अंगणवाड्यांमध्ये रूपांतर करण्याची प्रक्रिया सुरू केली आहे. त्यामध्ये अभ्यासिका, विश्रांतीकक्ष, स्वयंपाकघर, स्टोअर रूम, डायनिंग रूम, हॉल, गार्डन तसेच इनडोअर व आऊटडोअर प्ले एरिया आहेत. राज्य सरकारने अंगणवाडी शिक्षकांच्या वेतनातही सुधारणा केली असून, त्यापैकी ९५ टक्के महिला आहेत, अशीही माहिती जॉर्ज यांनी दिली.

Share this story

Latest