आयफोन १६ मध्ये इतका वाईट कॅमेरा कसा काय?

नवी दिल्ली: पेटीएमचे सह-संस्थापक आणि मुख्य कार्यकारी अधिकारी विजय शेखर शर्मा यांनी काही दिवसांपूर्वी सोशल मीडियावर आयफोन १६ च्या कॅमेरा क्वालिटीवर टीका केली होती. त्यांची पोस्ट आता पुन्हा व्हायरल होत आहे.

Civic Mirror, सीविक मिरर, Pune Mirror, Pune Times Mirror, Pune, Pune News

संग्रहित छायाचित्र

पेटीएमच्या संस्थापकांची पोस्ट व्हायरल, सर्वांनीच केल्या आयफोनबद्दल तक्रारी

नवी दिल्ली: पेटीएमचे सह-संस्थापक आणि मुख्य कार्यकारी अधिकारी विजय शेखर शर्मा यांनी काही दिवसांपूर्वी सोशल मीडियावर आयफोन १६ च्या कॅमेरा क्वालिटीवर टीका केली होती. त्यांची पोस्ट आता पुन्हा व्हायरल होत आहे. एक्सवरील पोस्टमध्ये, विजय शेखर शर्मा यांनी आयफोनच्या कॅमेऱ्याबाबत निराशा व्यक्त केली आणि म्हटले की, कॅमेरा इतका वाईट आहे की, ते आता पिक्सलचा फोन करण्याचा विचार करत आहेत. यावेळी त्यांच्या पोस्टमध्ये शर्मांनी इतर आयफोन यूजर्सना पण कॅमेऱ्याच्या अडचणी येत आहेत का, याबाबत विचारले आहे. दरम्यान शर्मा यांची ही पोस्ट आतापर्यंत चार लाख यूजर्सनी वाचली आहे.

शर्मा म्हणाले की, मला आश्चर्य वाटते आयफोन १६ मध्ये इतका वाईट कॅमेरा कसा काय आहे? तो इतका वाईट आहे की, मी आता पिक्सेल फोन घेण्याचा गांभीर्याने विचार करत आहे. इतरांनाही अशाच अडचणी येत आहेत का, असे विजय शेखर शर्मा त्यांच्या पोस्टमध्ये म्हटले आहेत.  दरम्यान विजय शेखर शर्मा यांची ही पोस्ट चांगलीच व्हायरल झाली असून, सामान्य आयफोन यूजर्ससह अनेक दिग्गजांनी यावर प्रतिक्रिया दिल्या आहेत. विजय शेखर शर्मा यांच्या पोस्टला उत्तर देताना, गुगलचे माजी पदाधिकारी परमिंदर सिंग म्हणाले की, मलाही हाच अनुभव आला आहे. कॅमेरा किंवा अॅपमध्ये काहीतरी गंभीर चूक आहे.

एडलवाईस म्युच्युअल फंडच्या व्यवस्थापकीय संचालक आणि मुख्य कार्यकारी अधिकारी (सीईओ) राधिका गुप्ता यांनीही प्रतिक्रिया दिली आहे. त्या म्हणाल्या, पिक्सेल खूप छान आहे. आयफोन सोडून मी आता पिक्सल वापरायला लागले आहे.  पुढे एका यूजरने, आयफोन ६ हा शेवटचा आयफोन होता ज्यामध्ये नावीन्य होते. नंतरचे आयफोन तांत्रिक वैशिष्ट्यांसह फक्त आकर्षक आहेत, असे लिहिले. तर दुसरा एक यूजर म्हणाला की, हो, सर. मी सर्व पिक्सेल फोन वापरले आहेत. अलीकडेच आयफोन घेतला होता, पण आता पुन्हा पिक्सेल घेण्यासाठी उत्सुक आहे. पिक्सेल ९ कॅमेराच्या बाबतीत सर्वोत्तम आहे. तुम्ही तो घेऊ शकता.

Share this story

Latest