जयपूरमध्ये रविवारी (दि. ९) आंतरराष्ट्रीय भारतीय चित्रपट अकादमी अर्थात आयफा पुरस्कार सोहळा पार पडला. यामध्ये 'लापता लेडीज' या चित्रपटाने सर्वाधिक १० पुरस्कार जिंकले.
'लापता लेडीज' या चित्रपटासाठी किरण राव आणि आमिर खान यांना सर्वोत्कृष्ट चित्रपटाचा पुरस्कार मिळाला. 'भूलभुलैया ३' साठी कार्तिक आर्यनला सर्वोत्कृष्ट अभिनेत्याचा पुरस्कार मिळाला तर ‘लापता लेडीज’साठी नितांशी गोयलला सर्वोत्कृष्ट अभिनेत्रीचा पुरस्कार मिळाला.
सर्वोत्कृष्ट संगीत दिग्दर्शकाचा पुरस्कार राम संपत (लापता लेडीज) या चित्रपटाला देण्यात आला. 'आर्टिकल ३७०' चित्रपटातील 'दुआ' या गाण्यासाठी जुबिन नौटियाल यांना सर्वोत्कृष्ट पार्श्वगायक (पुरुष) पुरस्कार मिळाला. 'भूलभुलैया ३' चित्रपटातील 'अमी जे तोमार ३.०' या गाण्यासाठी श्रेया घोषालला सर्वोत्कृष्ट पार्श्वगायिका (महिला) पुरस्कार मिळाला.
जयपूर एक्झिबिशन अँड कन्व्हेन्शन सेंटर (जेईसीसी) येथे झालेल्या भव्य समारंभाला चित्रपट क्षेत्रातील अनेक सेलिब्रिटी उपस्थित होते. शाहरुख खान आणि माधुरीने 'घोडे जैसी चाल, हाथी जैसी दुम' या गाण्यावर नृत्य केले. कॅटरिना, रेखा, कृती सॅनन यांनीही सादरीकरण केले. शाहिद कपूर स्कूटरवरून स्टेजवर पोहोचला आणि त्याच्या चित्रपटांमधील गाण्यांवर सादरीकरण केले.
पुरस्कार सोहळ्याच्या शेवटी शाहरुख खान आणि माधुरी दीक्षित यांनी स्टेजवर एकत्र नृत्य केले. जेईसीसीच्या स्टेजवर रेखा आणि राकेश रोशन यांनी 'खून भरी मांग' चित्रपटातील 'हंसते हंसते, कट जाये रास्ते' या गाण्यावर नृत्य केले. रेखा यांनी राकेश रोशन यांना भारतीय चित्रपटातील उत्कृष्ट कामगिरी पुरस्कार प्रदान केला.
अभिनेत्री माधुरी दीक्षितने ‘खलनायक’ चित्रपटातील प्रसिद्ध गाण्यावर नृत्य केले. याआधी माधुरीने घूमर या चित्रपटातून तिच्या अभिनयाची सुरुवात केली होती. त्यांनी 'ढोलणा' आणि 'अप्सरा आली' या गाण्यांवरही उत्तम सादरीकरण केले. करीना कपूर खानने 'जीना यहां, मरना यहां,' 'प्यार हुआ, इकरार हुआ,' 'रमैया वस्तावैया,' यांसारख्या गाण्यांवर रेट्रो लूकमध्ये परफॉर्म केले. शाहिद कपूरने 'तेरी बातें में ऐसा उलझा जिया' यांसारख्या गाण्यांवर नृत्य केले.
