संग्रहित छायाचित्र
मुंबई: सोशल मीडियावर नेहमीच काय तरी नवी पाहायला मिळते. असाच एक व्हीडीओ गेल्या काही दिवसांपासून सोशल मीडियावर व्हायरल झाला आहे, जो पाहून सगळेच हैराण झाले आहेत. लहानपणापासून थोरांपर्यंत सर्वांचा आवडता सुपरहिरो स्पायडरमॅन चक्क कल्याणस्थानकात भीक मागताना दिसतो. स्पायडरमॅनच्या वेशभूषेत असलेला व्यक्ती सोशल मीडिया इंफ्लुएन्सर असल्याचे बोलले जात आहे. अनेकांना हा व्हीडीओ मनोरंजक वाटला आहे, तर काहींनी सार्वजनिक ठिकाणी असे दृश्य सादर केल्याबद्दल नाराजी व्यक्त केली आहे.
व्हीडीओत दिसत आहे की, स्पायडरमॅनच्या वेशभूषेत एक व्यक्ती कल्याण रेल्वेस्थानकाबाहेर भीक मागताना दिसत आहे. स्पायडरच्या वेशात असलेल्या व्यक्तीची मदत करण्यासाठी एक व्यक्ती समोर येतो आणि त्याच्या हातात पैसे ठेवतो. मात्र, हा भीक मागण्याचा प्रकार खराखुरा नसून फक्त एका रीलसाठी करण्यात आला. भीक मागणारा व्यक्ती सोशल मीडिया इंफ्लुएन्सर असून आपल्या चाहत्यांच्या मनोरंजनासाठी त्याने हा स्टंट केल्याचे बोलले जात आहे. रेल्वे प्रवाशांचे लक्ष वेधून घेणे हा व्हीडीओमागचा उद्देश आहे.
व्हीडीओला २.८ मिलयन व्ह्यूज
@shaddyman98 या इन्स्टाग्राम अकाउंटवरून हा व्हीडीओ शेअर करण्यात आला. या व्हीडीओच्या कॅप्शनमध्ये असे लिहिले आहे की, या स्पायडरमॅनला कोणी तरी काही तरी द्या. या व्हीडीओला तब्बल २.८ मिलियन व्ह्यूज मिळाले आहेत. तर, एक लाखाहून अधिक लोकांनी हा व्हीडीओ लाइक केला आहे. स्पायडरमॅनच्या व्हायरल व्हीडीओवर नेटकऱ्यांच्या प्रतिक्रिया येत आहेत. एका यूजरने अशी कमेंट केली आहे की, परदेशात स्पायडरमॅन खूप महत्त्व आहे, जे भारतात नाही. आणखी एका यूजरने लिहिले आहे की, सोशल मीडिया इंफ्लुएन्सर त्यांचे सबस्क्राइबर वाढण्यासाठी कोणत्या थराला जातील, काही सांगता येत नाही. दरम्यान, अनेकांना हा व्हीडीओ आवडला आहे, तर बऱ्याच लोकांनी त्यांची नाराजी व्यक्त केली आहे. दरम्यान याआधीही वाहतुकीच्या नियमांचे उल्लंघन करणाऱ्या एका स्पायडरमॅनला पोलिसांनी अटक केली. व्हायरल व्हीडीओत स्पायडरमॅनच्या वेशभूषेत असलेली एक व्यक्ती कारच्या बोनेटवर बसून प्रवास करताना दिसला. यानंतर पोलिसांनी कारचालकासह संबंधित व्यक्तीविरोधात कारवाई केली.
