राष्ट्रगीताला मोराची अनोखी मानवंदना! पिसारा फुलवून दिली दाद, मुंबईतील लोकभवनात पर्यटकांनी अनुभवला रोमांचकारी प्रसंग…
मुंबई : मलबार हिल येथील लोकभवन परिसरात बुधवारी (८ एप्रिल) निसर्गाचा एक अद्भुत चमत्कार पाहायला मिळाला. लोकभवनाचा इतिहास सांगण्याचा कार्यक्रम सुरू असतानाच अचानक एका मोराचे आगमन झाले आणि समारोपप्रसंगी राष्ट्रगीत सुरू झाल्यावर या राष्ट्रीय पक्षाने राष्ट्रगीत संपेपर्यंत पूर्ण वेळ आपला पिसारा फुलवून सर्वांचे लक्ष वेधून घेतले.
मोराने राष्ट्रगीताला दिलेली ही मूक दाद आणि मानवंदना पाहून उपस्थितांचे डोळे सुखावले. या अविस्मरणीय क्षणाची सध्या सर्वत्र चर्चा होत असून राष्ट्रीय पक्षाने राष्ट्रगीताला दिलेली ही मानवंदना सोशल मीडियावर व्हायरल होत आहे. हा अंगावर शहारे आणणारा व्हिडिओ राजभवनाचे छायाचित्रकार नागोराव रोडेवाड यांनी रेकॉर्ड केलाय.
A breathtaking scene unfolded at Lok Bhavan, Malabar Hill, Mumbai, as a peacock spread its wings in a grand salute during the National Anthem. Witness the rare confluence of nature and patriotism in the heart of Mumbai.
