Health Tips | झोप घेणं का आहे आवश्यक? जाणून घ्या, झोपेशी संबंधित 5 महत्त्वाच्या गोष्टी....

Benefits of Sleep | झोप ही केवळ आराम करण्याचा मार्ग नाही तर ती मानसिक आणि शारीरिक आरोग्य सुधारण्याचा देखील एक मार्ग आहे. जर आपण झोपेचे प्रमाण आणि वेळ व्यवस्थापित (नियोजन) केली तर आपण आपले आरोग्य आणि जीवन सुधारू शकते.

झोप तुमच्या दैनंदिन दिनक्रमाचा महत्त्वाचा भाग आहे. दर्जेदार योग्य वेळी पुरेशी झोप मिळणे अन्न आणि पाण्याइतकीच जगण्यासाठी आवश्यक आहे. झोपेशिवाय तुम्ही नवीन आठवणी बनवू शकत नाही. लहान बाळांना दिवसात 16-18 तासांची. शालेय वयातील मुलांना 08-10 तासाची, प्रौढांना 07-09 तासांची झोप आवश्यक असते.दीर्घकाळ झोप न लागणे किंवा निकृष्ट दर्जाच्या झोपेमुळे उच्च रक्तदाब हृदय व रक्तवाहिन्या संदर्भात रोग, मधुमेह, नैराश्य व लठ्ठपणा यासारख्या विकारांचा धोका वाढतो.

आजच्या धावपळीच्या जीवनात माणसाला झोपेचे महत्त्व कळत नाही. धावपळीचे जीवन, ताणतणाव आणि डिजिटल स्क्रीनवर वेळ घालवण्यासाठी बरेच लोक झोपेकडे दुर्लक्ष करतात.  पण तुम्हाला माहिती आहे का झोप आपल्या शारीरिक आणि मानसिक आरोग्यासाठी किती महत्त्वाची आहे?

1. योग्य झोप केवळ शरीराला आराम देत नाही तर मानसिक स्पष्टता (Mental clarity) आणि शारीरिक ताकद (physical strength) देखील राखते.

2. झोपेच्या दरम्यान शरीर त्याची दुरुस्ती प्रक्रिया पूर्ण करते. जेव्हा आपण झोपतो तेव्हा आपल्या पेशींना केवळ विश्रांती मिळत नाही तर त्या स्वतःची दुरुस्ती देखील करतात.

3. झोपेचा आपल्या मानसिक आरोग्यावर थेट परिणाम होतो. पुरेशी झोप घेतल्यास ताण, चिंता आणि नैराश्य यासारख्या समस्यांवर नियंत्रण ठेवता येते. झोपेचा शरीराच्या प्रत्येक भागावर खोलवर परिणाम होतो. याचा हृदयाच्या आरोग्यावर, वजन नियंत्रणावर आणि चयापचयावर परिणाम होतो.

#HealthTips | सांधेदुखी कमी करण्यासाठी 'हे' फळ खा, सोबत कॅल्शियमची कमतरताही होईल दूर...
सविस्तर बातमी येथे वाचा 👇 #JointPainhttps://t.co/4Y3jsqDGyf
किंवा https://t.co/SiPlAqjtlQ या आमच्या Website ला भेट द्या. pic.twitter.com/PBYRDS1RA4

— Civicmirrorofficial (@civicmirrorpune) January 28, 2025

4. खेळाडू, शारीरिक श्रमिक आणि सक्रिय जीवनशैली जगणाऱ्या लोकांसाठीही झोप अत्यंत महत्त्वाची आहे. झोप शरीराच्या स्नायूंना विश्रांती देते, ज्यामुळे त्यांना त्यांची शक्ती परत मिळते.

5. झोपेच्या वेळी, मेंदू मागील दिवसाचे अनुभव आणि नवीन माहिती देखील साठवतो. जर आपण चांगली झोप घेतली तर आपली स्मरणशक्ती आणि विचार करण्याची क्षमता सुधारते.