Pune Crime news | पोलीस असल्याच्या बतावणीने महिलेची फसवणूक, सहा लाखांचे दागिने केले लंपास....

शहरातील सिंहगड रस्ता परिसरात पोलीस असल्याची बतावणी करत महिलेला लुटण्याची घटना घडली आहे. यामध्ये सहा लाख रुपयांचे दागिने अज्ञात व्यक्तींनी लंपास केले आहेत.

  • By PuneMirror Bureau
  • Reported By Desk User
  • Thu, 23 Jan 2025
  • 02:21 pm
Pune crime

प्रातिनिधिक छायाचित्र....

पुणे : शहरातील सिंहगड रस्ता परिसरात पोलीस असल्याची बतावणी करत महिलेला लुटण्याची घटना घडली आहे. यामध्ये सहा लाख रुपयांचे दागिने अज्ञात व्यक्तींनी लंपास केले आहेत. याबाबत एका महिलेने सिंहगड रस्ता पोलीस ठाण्यात फिर्याद दिली. महिलेनं दिलेल्या फिर्यादीनुसार दोन चोरट्यांविरुद्ध गुन्हा दाखल करण्यात आला आहे.

पोलिसांनी दिलेल्या माहितीनुसार, 'तक्रारदार महिला वडगाव बुद्रुक परिसरातील एका मंगल कार्यालयात आल्या होत्या. विवाह समारंभ आटोपून त्या दुपारी 3 च्या सुमारास मंगल कार्यालयातून बाहेर पडल्या. त्यावेळी दोघांनी सदर महिलेस अडवले. चोरट्याने खाकी रंगाची पँट परिधान केली होती. त्यांनी महिलेकडे पोलीस असल्याची बतावणी केली.

पुढे त्यांनी सांगितले की, 'या भागात महिलांकडील दागिने चोरीला जाण्याच्या घटनांमध्ये वाढ झाली आहे.  दागिने काढून पिशवीत ठेवा. त्यानंतर महिलेने पिशवीत दागिने ठेवली. पिशवीत दागिने ठेवले का नाही, याची तपासणी करण्याचा बहाणा करुन चोरट्यांनी महिलेच्या नकळत दागिने काढून घेतले. महिलेचे लक्ष नसल्याची संधी साधून चोरटे दुचाकीवरुन पसार झाले.' या घटेनचा पोलीस उपनिरीक्षक किरण लिटे अधिक तपास करत आहेत.

Share this story

Latest