Good News : प्रस्तावीत तळेगाव-चाकण-शिक्रापूर राष्ट्रीय महामार्गाबाबत मोठा निणर्य, वाहतूक कोंडीतून होणार सुटका

हा 53 किलोमीटर लांबीचा महामार्ग राष्ट्रीय महामार्ग क्रमांक 48 (मुंबई-पुणे महामार्ग) ला राष्ट्रीय महामार्ग क्रमांक 753 (पुणे-संभाजीनगर महामार्ग) शी जोडेल, ज्यामुळे पुण्याजवळील वाहतूक कोंडी कमी होईल. या प्रकल्पामध्ये सध्याच्या दुपदरी रस्त्याचे चौपदरी उन्नत महामार्गात रूपांतर करणे आणि महत्त्वाच्या ठिकाणी उड्डाणपूल बांधणे समाविष्ट आहे. या प्रकल्पासाठी अंदाजे 6,499.22 कोटी खर्च अपेक्षित असून तो टोल वसुली किंवा कर्जाद्वारे उभारला जाईल. एमएसआयडीसी या प्रकल्पाची अंमलबजावणी करणार आहे.

  • By PuneMirror Bureau
  • Reported By Admin
  • Edited By Admin
  • Thu, 23 Jan 2025
  • 12:32 pm
Civic Mirror, सीविक मिरर, Pune Mirror, Pune Times Mirror, Pune, Pune News

संग्रहीत छायाचित्र

पुणे-  महाराष्ट्र राज्य मंत्रिमंडळाकडे प्रस्तावीत तळेगाव-चाकण-शिक्रापूर राष्ट्रीय महामार्ग क्रमांक 548Dचा  सविस्तर प्रकल्प अहवाल मंजुरीसाठी सादर करण्यात आला आहे. महाराष्ट्र राज्य पायाभूत सुविधा विकास महामंडळाचे व्यवस्थापकीय संचालक ब्रिजेश दीक्षित यांनी 22 जानेवारी रोजी  एमएसआयडीसी कार्यालयात मुंबईत झालेल्या बैठकीत अशी माहिती दिली. आमदार सुनील शेळके आणि  आमदार बाबाजी काळे यांनी तळेगाव-चाकण-शिक्रापूर महामार्ग कृती समितीसोबत या प्रकल्पाच्या प्रगतीचा आढावा घेतला. यावेळी  वाहतूक कोंडीच्या समस्यांवर चर्चा करत प्रकल्पाच्या कामाला गती देण्याची त्यांनी मागणी केली.

ब्रिजेश दीक्षित यांनी सांगितले की, हा महामार्ग प्रकल्प आर्थिकदृष्ट्या व्यवहार्य होण्यासाठी त्याला वस्तू आणि सेवा कर, मुद्रांक शुल्क आणि इतर वापर शुल्कातून सूट मिळणे आवश्यक आहे. या मंजुरी मिळवण्याचा मसुदा 1 जानेवारी रोजी मंत्रिमंडळाकडे पाठवण्यात आला आहे. मंत्रिमंडळाची मंजुरी मिळाल्यानंतर जमीन अधिग्रहण आणि निविदा प्रक्रियेला वेग येईल, हा 53 किलोमीटर लांबीचा महामार्ग राष्ट्रीय महामार्ग क्रमांक 48 (मुंबई-पुणे महामार्ग)  ला राष्ट्रीय महामार्ग क्रमांक 753 (पुणे-संभाजीनगर महामार्ग) शी जोडेल, ज्यामुळे पुण्याजवळील  वाहतूक कोंडी कमी होईल. या प्रकल्पामध्ये सध्याच्या दुपदरी रस्त्याचे चौपदरी उन्नत महामार्गात रूपांतर करणे आणि महत्त्वाच्या ठिकाणी उड्डाणपूल बांधणे समाविष्ट आहे. या प्रकल्पासाठी अंदाजे 6,499.22 कोटी खर्च अपेक्षित असून तो टोल वसुली किंवा कर्जाद्वारे उभारला जाईल. एमएसआयडीसी या प्रकल्पाची अंमलबजावणी करणार आहे, असेही त्यांनी सांगितले.

आमदार शेळके यांनी मंत्रिमंडळाकडून  मंजुरी मिळवण्यासाठी पाठपुरावा करण्याचे आश्वासन दिले. आमदार काळे यांनी वाहतूक कोंडी सोडवण्यासाठी तात्काळ उपाययोजना करण्याची मागणी केली .तेव्हा दीक्षित म्हणाले की, हा महामार्ग अधिकृतपणे भारतीय राष्ट्रीय महामार्ग प्राधिकरणाच्या अखत्यारीत येतो आणि मंत्रिमंडळाच्या मंजुरीनंतरच यावर उपाययोजना करता येतील. नितीन गाडे  यांच्या नेतृत्वाखालील महामार्ग कृती समितीने एमएसआयडीसीच्या प्रयत्नांचे कौतुक केले. 

Share this story

Latest