पुणे : पुणे महानगरपालिकेच्या अतिक्रमण व अनाधिकृत बांधकाम निर्मूलन विभागाने औंध-बाणेर परिसरात मोठी कारवाई करत सुमारे १८,००० चौरस फूट अनधिकृत कच्चे व पक्के बांधकाम हटवले.
महापालिका आयुक्तांच्या आदेशानुसार उपआयुक्त सोमनाथ बनकर व मुख्य सुरक्षा अधिकारी डॉ. रमेश शेलार यांच्या मार्गदर्शनाखाली अभिमान सोसायटी, सर्जा हॉटेल लेन, रिलायन्स फ्रेश परिसर, सिग्नेचर कोंढवा बुद्रुक येथे ही मोहीम राबवण्यात आली.
या कारवाईत बांधकाम विकास विभागातील कनिष्ठ अभियंते विजय पाटील, किरण देसले, विरेंद्र टिळेकर, विक्रम क्षिरसागर तसेच उपअभियंता रंजित मुटकुले सहभागी झाले होते. कारवाईदरम्यान ५ महापालिका पोलीस कर्मचारी, २५ एमएसएफ जवान, ३ जेसीबी, २ गॅसकटर, २ ब्रेकर आणि ४० बिगारी कामगार यांच्या सहाय्याने अनधिकृत बांधकामे हटवण्यात आली.
PMC Pune | अनधिकृत ओव्हरहेड केबल्सविरोधात महापालिका अॅक्शन मोडवर…
महापालिकेने शहरातील अनधिकृत बांधकामांविरोधात कारवाई सुरूच राहणार असल्याचा इशारा दिला आहे.
